Print

කාන්තාවකගේ අභ්‍යන්තරයෙන් මුළු ශරීරයෙන් හා ආත්මයෙන් විශද වන ආකර්ශනීය බලය වනාහි ඇඳුම් ආයිත්තම් රූපලාවන්‍ය ඉක්මවා ගිය සොබාදහම තිළිණ කළ ඇගේ අනන්‍යතාවයේම කොටසකි.

ස්ත්‍රී බලය ජීව ගැන්වූ කිවිඳිය

මායා ඇන්ජලෝ හුදු නිර්මාණකාරියක නොවේ. ඇය ස්ත්‍රීය සවිබලගැන්වූ විමුක්තිකාමි ස්ත්‍රීවාදිනයක ලෙසද සැලකිය යුතුය.

ඇගේ කවි බොහොමයක් තුළ ස්ත්‍රීයට ස්ත්‍රීත්වයට හිමි ගැඹුරු ශක්තියෙන් නැගී සිටිමට ශක්තිය රැගෙන එයි.

ඇයගේ විශිෂ්ඨතම කවියක් වන I Know why the caged Bird Sings කූඩු කරන ලද කුරුල්ලා ගී ගයන්නේ ඇයි දැයි මම දනිමි.” කවිය ඉතා කුඩා වයසේ දූෂණයට පීඩාවට ලක්වූ නමුත් අදිටන් සහගත ඇගේම ජීවිතය මෙන්ම පීඩිත ස්ත්‍රී ආත්මයක විමුක්ති අපෙක්ෂා සිත්තම් කරයි.

නිදහස් කුරුල්ලා
සුළං රැළි පසු පස යයි
දිය සුළි තරණය කරයි
උදා හිරු මඬලේ පියාපත් සතපවයි
ඈත ගුවනේ අසීමාන්තික දුර තරණය කරයි

නමුත්,
පටු කූඩුවක සිරකර තබනු ලැබු
කූඩු කුරුල්ලා
වෛරයේ යදම් පව් තුළින්
දෑස් දල්වා බලා සිටින්නේ
ඔහුගේ පියාපත් විද, දෙපා ගැට ගසා ඇති නිසාවෙනි
අන්කිසිවක් කරගත නොහැකි වූ
මුව විවර කරන්නේ ගීත ගයන්නටයි.

කූඩු කුරුල්ලා
සිය සිරකුටිය වටකොට පවුරු බැඳ ඇති
නොදන්නා බොහෝ දේ පිළිබඳව
විමතියෙන්ද, භීතියෙන්ද
ගීත ගයයි
නමුත්
උගේ තීව්ර ස්වරයෙන් ගැයෙන
එම නිදහසේ ගීතය
ඈත කඳුමුදුන් පීරා යමින්
අදටත් ඇසෙන්නේය.

මේ අතර
නිදහස් කුරුල්ලාගේ
නොදැමුණු හිත
මෘදුව මෙළෙක්ව
හුස්මඅ අඳිනා වෘක්ෂයන් අතර දැවටෙන
සුළං රැළි පසු පස අයාළේ පාවෙයි.
උදෑසන තණ තිල්ලෙහි වැතිර බබළන හිරුගේ අවුව තපිමින්
සිටිනතර පට පණුවකුද ඩැහැගෙන
ගුවන පීරා පියඹා යයි

නමුත්
සිහින නැමති මිණිවල මත
සිටගෙන සිටින කූඩු කුරුල්ලා
උගේම විකාර රූපී සෙවණැල්ල දැක
භයානක ස්වප්නයක් දුටු කළක මෙන්
මර හඬ තලයි.
උගේ අත්තටු පුරුද්දා
පාද ගැට ගසා ඇති නියාවෙන්
මුව විවර කර
ගීත ගයයි.

කූඩු කුරුල්ලා
සිය සිරකුටිය වටකොට පවුරු බැඳ ඇති
නොදන්නා බොහෝ දේ පිළිබඳ
විමතියෙන්ද භීතියෙන්ද
ගීත ගයයි.
නමුත්
ඔහුගේ තීව්ර ස්වරයෙන් ගැසෙන
එම නිදහසේ ගීතය
ඈත කඳුමුන් පරය යමින්
අදටත් ඇසෙන්නේය...

(පරිවර්තනය ප්‍රභා පෙරේරා)

ඇගේAnd Still I rise නම් කවි එකතුව තුළ ස්ත්‍රී පුරුෂ සමානාත්මතාවය පිළිබඳ අරගලයට නිතිපතා දායක වීමට ආනුභාවය සපයන කවි රැසක් හමු වේ.

ඇගේ කවි, වාර්ගික අසාමාන්‍යතාවය රජ කරන සුදු අධිපතිවාදි ඇමරිකාවේ පීඩිත අප්‍රි-ඇමරිකානුවන්ගේ අප්‍රමාණ ගැටළු පිළිබඳ නිරන්තර අවධානය සහිතය. Phenomenal woman නම් වූ කවිය තුළ කාන්තාවක් වීමේ උදාදරත්වය ස්ත්‍රී අභිමානය හා ස්ත්‍රීත්වයේ විශිෂ්ඨභාවය ගැන අවධානය යොමු කරයි. කාන්තාවකගේ අභ්‍යන්තරයෙන් මුළු ශරීරයෙන් හා ආත්මයෙන් විශද වන ආකර්ශනීය බලය වනාහි ඇඳුම් ආයිත්තම් රූපලාවන්‍ය ඉක්මවා ගිය සොබාදහම තිළිණ කළ ඇගේ අනන්‍යතාවයේම කොටසකි.

ඇගේ සුන්දරත්වය බාහිර සුන්දරත්වයට සම්බන්ධ දෙයක් නොවේ. ඇය ඇය ලෙසට සුන්දරවනවා මෙන්ම ශ්‍රේෂ්ඨ වන්නීය.

මා දෙනෙත් හී අග්නිය.
මා දන්ත කල්්‍යාණියේ දීප්තිය
මා ඉගෙහි ලාලිත්‍යය
මා පාදවල ප්‍රමෝදය
මම ගැහැනියක්
සමාජ සත්තාවක් ලෙස
මම ගැහැනියක්
ඔව්, ඒ මමයි

ඈ විසින් රචිත ඉතා ප්‍රබල කවියක් වන්නේ Our grand mothers ය. එමගින් ඇය කළු අප්‍රි-ඇමරිකානුවන්ට උරුම කළ දුෂ්ඨ වහල්භාවය සාකච්ඡා කරයි. වහල්භාවය වහලාව මිනිසෙකු ගැහැනියක ලෙස නොව භාණ්ඩයක් ලෙස සැලකීම මිනිස්කමට ඉතිහාසය තුළ සිදු කළ දරුණුම අපරාධයකි.

ඇන්ජලෝ එහිදි ඒ වහල්භාවය තමාට ආරෝපනය කර ගනිමින් එමගින් තමා පීඩාවට පත්වූවද තම ජීවිතය බිඳ දැමුවද තමා කිසි විටෙක පරාජය නොවු බව මතු කරමින් අයුක්තියට එරෙහි සටන් කිරිමට සපත කරනවා පමණක් නොව අනාගත පරපුරටද ඒ සටනට ආරාධනා කරයි.

ඇයට ඇසුනා නම්ගම්
වගවාසගම්
ඉතිහාසය නම් සුළගේ
ගිලියන
නිග්‍රහාත්මක
වගවාසගම්
කල්ලි, බැල්ලි, වේසි
මාමි, බඩුව, කෑල්ල සතා
වානරයා, බැබුන් ඈ තවත්.
ඇය කීවා
එනමුදු මාගේ
හැඳින්වීම නුඹේ
දිව හා නොසැසදේ
මට මේ ලොව නිශ්චිත
මාවතක් තිබේ.
මා නොසැලෙමි.
මා ඉන් ඉවත නොයෙමි.

මායා තිරසර ලෙස, ස්ත්‍රීයක ලෙස, කලු ජාතික ස්ත්‍රීයක ලෙස නින්දා අපහාස ලිංගික අඩත්තේට්ටම් ඉසිලු ගැහැනියක ලෙස ස්ත්‍රීයගේ ශක්තිය විදහා පානා ආකාරය විශ්ම ජනක නොවේ ද ? ‘අපේ ආච්චිලා’ සැබෑ ගීතිකාවක් වන්නේ සුවිශේෂිව ස්ත්‍රීන් වීම නිසාම දෙගුණයක් පීඩා විඳින්නන් වන අප්‍රිකානු-ඇමරිකානු ස්ත්‍රීයගේ ආත්මයට ජීවය සපයන නිසාය.

ඉතිරිය ලබන සතියට...

Jesustoday.lk 5 වන වසර 8 වන සතිය 2021 අප්‍ර‍ේල් 25 වන ඉරිදා